موضوع حلو ومفيد(كيف تطفشي عريس اهلك بدهم اياه)

من طرف **love.roro** الثلاثاء أبريل 29, 2008 5:25 pm

!!! كيف تطفشي عريس اهلك بدهم اياه??

و الشباب اسمعوا للاخر عشان في اشياء بتهمكم:

بسم الله نبدأ الخطة سوا:

1- لا تظهري لاهلك عدم الرضا ... (عشان تعرفي تكملي الخطة)
2- اهم اشي بالخطة من يوم ما تسمعي بالعريس لحد ما ييجي اوعي تتحممي ..

خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..

طبعا (انتي عم بتساعدي ماما ما حد رح يحكي معك)

3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة

لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة

انهم يكشفوكي.

4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك

بعدها اسحبي حالك على غرفتك ... (عشان بدك تزبطي حالك ولو ... ) و يلا نعرف خطوات احلى ميك

أب لهيك مناسبة :

*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية..

وهيك بتضمني تكوني (حولة رسمي)

*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم

*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون

و ثقلييييييييه (ولوو مش هيك الموديل و الدليل اليسا) مع شادو اصفر على وجهك بدل (البلاشر)

وهييييك ببين معك كوليرا .... ههههاي

و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة

من سنة الف و تسعمية و ستة وخمسين خشبة و البابوج من العصر الحجري... تححححفة

5- روحي عالمطبخ عشان توخدي القهوة ... بس اوعك امك تنتبه عالخبايص..

6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة

بهالامور)...

وهيك .... ببلش الفار يلعب بعب ابو العريس ... وبصير يسأل حاله:

مدامها خبيرة هيك ليش اللي قبلنا طفشو؟!!

(بس الفار بعب الابو ما بكفي ... لازم يكزدرلو شوي بعب العريس ابو الشباب) ههههاي

امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)

هو طبعا من شدة الصدمة رح ينسى القهوة... ذكريه وقوليله: " اي خلثنا يا ذلمة طول" ههههاي

(يا عيني عاللي بقرطو .... بس اوعي ابوكي ينتبه)

طبعا تركي الزلام يحكو بالمهم .... (لووووول)

ارجعي لام العريس اللي بدها تشوف جمال شعرك

(هالمرة ما بدنا نعمل مقلب ... خليه حلو فش مشكلة ... سشوريه و زبطيه) بسسسسسس

اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...

ههههههههههاي مسكينة ام هالعريس

اذا نفذتي هالخطوات مية بالمية باكدلك ...رح تسمعي كلمة : " يا الله " ... وتسمعي صوت ابوكي

بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة ....

اه شو رايكم .... بتزبط ؟؟؟ اكييييييييييييد

طبعاً الموضوع ملطووووش

من طرف **Xx_MedoO_xX** الثلاثاء أبريل 29, 2008 5:27 pm

هههههههههههههههههههههه
يسلمو مشكوره
lol!

مش غلط
عمرك جربتيها؟

من طرف **love.roro** الثلاثاء أبريل 29, 2008 5:30 pm

لا
هههههههههههه
ولا بدي اجربها
انا عني طرؤ خاصة
خخخخخ

من طرف **Xx_MedoO_xX** الثلاثاء أبريل 29, 2008 5:39 pm

طيب ااحكيلنا اياها ولا سر

من طرف **love.roro** الثلاثاء أبريل 29, 2008 5:44 pm

اسرااااار
ههههههههههههه

انتا ازا اهلك بدهم يخطبولك وحدة ما بدك اياها شو بتعمل؟

من طرف **ابن الوطن** الثلاثاء أبريل 29, 2008 6:27 pm

هههههههههه
شكلك بدون هالخلطه بيطفشو منك
خخخخخخخ
مشكوره

من طرف **crazy girl** الثلاثاء أبريل 29, 2008 6:49 pm

ههههههههههههههههااي
مشكورة رورو

فكرة حلوة

من طرف **جنرال** الأربعاء أبريل 30, 2008 6:19 pm

هههههههههههههه
مشكوره على الموضوع كتير حلووو

مشكورة حبي موضوعك حلو

موضوع حلو ومفيد(كيف تطفشي عريس اهلك بدهم اياه)

موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)

رد: موضوع حلو ومفيد(كيف تطفشي عريس اهلك بدهم اياه)